مشترياتي لشهر ابريل / مكياج





انا في المكياج ما اعرف غير ماك ، هو الي يعطيني النتيجه الي تناسب القيمه المدفوعه فيه ،،
قبل لا اعتمد ماك سبق وجربت سان لوران و فور ايفر، للاسف فاشله لاني كنت عليميه وبديتها بالغالي الي خلاني اتحسف   وبالآخير مافي نتيجه .. او ما اعرف استخدم المستحظرات .. 

حاليا تعلمت كثير شغلات جديده بالمكياج وعرفت الانوع الي تناسبني  بعد البحث قررت اكتب لي لسته بالاشياء الي محتاجتها لهذا الشهر و لسته بالاشياء الي ناقصتني .. 



§§ مشترياتي من ايكونيك / iconic ~








بودرة  ستاي مات من ريميل (STAY MATTE rimmel ) // ٣٠ ريالز 
انا متعوده ع بودرات ماك ، استعملها كتغطيه كبيره مكان الاساس ومرتاحه مرااا عليها بس احس بثقل المكياج ع وجهي ..
واخترت هالبودره ك تثبيت للبيبي كريم هذي البودره اخذتها ع مدح حبيبتي هيا .. هنآ .. 




dip in eye shadow   MAX EFFECT  ظل كريمي لميع عجبني لونه ، وحبيت اجرب الظلال الكريميه وآخذته ..
جربته لونه ثابت و قوي و جميل حتآ فرشاته مرا حبيتها ..





 كحل كريمي من ريميل // ٣٤ ريالز ، كثير يمدحونه بالبلوقآت وانه مشابه لكحل مآك ،،
آنا سنتين استخدم كحل مآك الكريمي ومرتاحه معه ، حبيت اغير و اجرب حق ريميل  ..



§§ مشترياتي من سيفورا / sefora







 !it's potent كريم للعيون  // ١٨٨ ريالز  ،، اخذته بعد مدح حبيبتي هيآ وهنا مرآجعه عنه .. هنآ 
 الي اخذته بتاع العيون بس ، اذا اعجبني و حبيته بروح اخذ بتاع الوجه ..





وهذي فرشاة النحت ، استخدم فرشاة البلشر و الاساس من ماك لنحت الوجه وماوصلت للنتيجه الي ترضيني ..
فقررت اشتري فرشاه خاصه بالنحت و نتائجها جميله من مدح البلوقرات اخترت فرشاة سيفورآ .. 
contour blush - bronzer 43 / خاصه بالنحت و البرونز  // ١١٣ ريالز ..


 



 the pore fessional // ١٥٨ ريالز ..  بيس من بنفت لي فتره اسمع عنه وآول مآشفته قررت آشتريه و اجرب عالم البيس 3> .. 
ع كلام المسؤله عن بنفت في سيفورا الظهران مول - انو ممكن يستعمل لحاله و ممكن احطه قبل الآساس .. 




 tinted beauty balm  too faced // ١٧٠ ريالز ..    اخذته ك اساس صباحي و خفيف مريح ع البشره ومآكني حآطه شي ،،
طبعا الشكر الجزيل لحبيبتي هيآ تعرفت ع هالمنتج منهآ .. هنآ .. 


Butlers / purveyors of happiness







قبل كم يوم كنت يالظهرآن مول آنا و خواتي 3> .. وآول مآدخلنا مع بوابه ٧ كان في وجهنآ كاندي ديز .. 
طبعآ كانت الزياره الاولى لنا فيه فرع الظهران مول ، دخلت المحل وقلت لازم آطلع بشغلات حلوه ^^ 
انا والشوكلت مو اصحاب مرآ ، آذا اكلت كذا حبه يحرقني حلقي فآضطر اشرب بعدها ماي ،،
عشان كيذا انا ما اكثر من الشوكلت عشان لا انغث ..
طولنا في المحل كثير من روعته .. بالاخير اخذنا ام اند امز و لولي بوبز و حلآوات مص وآكيد مق ،، عندهم مقات رآيقه ^^ 

اخذت شغله من باب التجربه من مآركة Butlers .. 



BUTLERS HOT CHOCOLATE AT HOME , WITH 10 PORTIONS

المنتج في موقعهم ،، هنآ .. 
عباره عن قطع شوكلاته هوت شوكليت  تحطينها في كوب الحليب و تحركينها
   تذوب بسرعه و طعمهآ لذيذ  ، المدمنات بالكوفي والهوت شوكلت انصحكم تجبونهآ 
العلبه فيها ١٠ قطع ، سعرها/ ٣٠ ريالز 


§ كيف تسوين هوت شوكلت بيرفكت في المنزل بآستخدام مكعبات الشوكلاته من بوتليرز // 

عشان تحصلين على افضل النتايج اتبعي التالي 
  • ضعي مقدار كوب شاي من الحليب كامل الدسم في مقلاه ( حوالي ١٥٠ مل ) و آضيفي حبة الهوت شوكلت في الحليب وحركيها على نار هادئه الى ان تذوب 
  • اذا ذابت اخلطيها جيدا مع الحليب ثم صبيها في كوبك وتمتعي بالطعم الرائع 

وبكيذا صار عندك هوت شوكلت بيرفكت جاهز ومسويته بالبيت ،، شكرآ بوتليرز ^^ 
انتبهي ان الحليب مايكون مغلي عشان طعم الهوت شوكلت مايتغير او يختفي ويفضل انك تسخنيه بالمكرويف 
ممكن تقدميه مع الكوكيز او المارشميلو ..



 المحل فيه كثير من منتجات BUTLERS ، مالفت نظري الا قطع الهوت شوكليت .. يمكن لاني من مدمنين القوه  ^^ 
وهذآ السايت حقهم / هنآ .. 

دمتم بِودْ 



الدرس الثالث /الجزء الاول


معدآت الخياطه و نماذج التفصيل

بسم الله الرحمن الرحيم 



تكلمنا بالدرسين الماضيين عن ماكينة الخياطه و طريقة العمل عليها وتكلمنا ايضا عن ماكينة السرفله بس ماتعمقنا فيها لاننا مابنحتاجها في كورسنا غير ان في بدايل عن ماكينة السرفله .. 
اليوم بنتكلم عن امور مهمه تجهزنا لعملية خياطه صحيحه و سليمه والامور هذي هي خطوات ما قبل الخياطه لازم نتمعن فيها ونطبقهآ بشكل صحيح عشان باقي خطواتنا تكون صحيحه .. 



معدآت الخياطه ~ 


تنقسم آسس الخياطه الى خمس عمليات : 
القياسات ، القص ، وضع الاشارات ، الخياطه باليد او بالماكينه ، الرص 
ولكل واحده من هذه العمليات آدوات ضروريه لتسهيلها و الخروج بتائج جيده ..


معدآت الخياطه اليدويه :

الابر و الدبابيس ،، متوفره باحجام و اشكال متنوعه للكثير من الاستخدامات ، طبعا يفضل النوع المقاوم للصدأ منها و المصنوعه من النحاس و الفولاذ المنكل الغير قابل للصدآ ، الدبابيس يفضل الي نهايتها كرات ملونه لتسهل رؤيتها آثناء استخدامها .. 





آدوات وضع العلامات و الاشارات :

وضع العلامات والرموز ضروري لبنآء القماش و تحويله الى لباس جاهز ، ونقل هذه الرموز من النموذج الى القماش ضروري وآساسي  في عملية التطابق ومن ثم الخياطه ، واختلاف الاقمشه  يؤدي الي اختلاف ادوات التآشير .. 

 


أدوات القياس :

قياسات الجسم و النماذج تحتاج الى وسائل و ادوات قياس خاصه ، وعشان نحصل على تطابق دقيق لازم نقيس بدقه بآستخدام الاداه الجيده للعمل .. 

 


أدوات القص :

لازم نحفظ ادوات القص بافضل حال و نعمل لها صيانه دوريه ، المقصات يكون مقبضيها بنفس الحجم بينما المجز يكون مقبضيه واحد كبير و الثاني صغير ، وافضل الانواع في المقصات و المجزات النوع المطروق بالحراره و الفولاذ العالي الجوده و المسنونة الحدين والشفرات لازم تكون مجموعه ببرغي عشان يكون فيه ضغط ع كامل الشفره ، اذا كانت المجزات حاده بشكل كافي اصبح القص عندنا نظيف و ندير الزوايا و الاطراف بشكل سليم ونحمي قماشنا من التلف …
بينما المجزات التالفه تتعب القماش و تبطئ عملية القص و تصعبها و تتعب اليدين ، والمجزات خاصه بالقماش لزم ما نستعملها للآغراض الثانيه مثل قص الورق او الخيوط او اي شي ثاني غير القماش ، عشان تحافظين ع مجزاتك حطي نقطة زيت ع البرغي بشكل دايم من فتره للثانيه ، ولفي المجزات بقطعة قماش نظيفه …

 


أدوات الرص أو الضغط :

ضغط القماش خلال الخياطه من اهم الخطوات الي يهملها اغلب الخياطين لانها معيقه للخياطه ، والقيام بالرص او الضغط عند كل خطوه في بناء الثوب يعتبر سر الثوب المنجز بعنايه وآحتراف …
وعشان تتعودين على عملية الضغط خلي ادواتها قريبه من يدك ، وممكن تجرين عملية الضغط مره واحده من خلال  الدرز المتواصل لمساحات كبيره ومن ثم قومي بضغط المساحه المدروزه دفعه واحده ، والضغط مو نفس عملية الكوي ، لأن بالكوي تتحرك المكواه فوق القماش بس بالضغط احرك المكواه قليلا فوق القماش واستخدم اقل قوة حفظ وانا احرك المكواه باتجاه الياف القماش ثم نرفع المكواه للانتقال للاماكن الاخرى …




تجهيزات خاصه :

كثير من الادوات مصمم لتوفير الوقت و الجهد في التخطيط و البناء و الحشو وكلما ازدادت الخياطه اصبحت هذي الحاجيات ضروريه ، قبل استخدام اي منتج اقري تعليماته و استخداماته و طريقه العنايه المطلوبه  ، وهذي بعض المنتجات الخاصه …







اقتراحات :


الخيط ،، نختار ذا جوده عاليه مناسب لوزن و نوع القماش وغاية الخياطه ، وبشكل عام ممكن نختار خيط النسيج الصناعي لاقمشه النسيجيه الصناعيه و الخيط الطبيعي للاقمشه الطبيعيه  .. 


الزركشات و الاشرطه ،،  نختارها بشكل متوافق مع الخيط و القماش وآغلب الزركشات و الاشرطه ممكن نشتغل عليها بالماكينه بينما بعضها لازم العمل عليها يدويا …


الازره و ادوات الاقفال او الاغلاق ،، تختلف باختلاف الغرض من اللباس 

السحابات ،،  السحابات انواع و اشكال منها ما سنه بلاستيك او معدن و لها اوزان مختلفه و نختار السحابات تكون ملائمه للثوب و الغرض منها ايضا … 






نمآذج التفصيل ~ 



مالفرق بين نموذج التفصيل و كتالوج الازياء ، نموذج التفصيل تجي فيه ملابس وباتروناتها ، انا اتحكم في لون القماش و الزخارف المستخدمه و الازره وكل تفاصيل القطعه الي بخيطها ، بينما كاتلوج الازياء فقط تصفح للملابس و اشكالها ،، 

كتالوج نماذج التفصيل يحتوي ع الموديلات و باترونها و مقاساتها و يحدد مستوى الخياطه لكل قطعه وانتي تحددين القطع الي حابتها وتكون نفس مستوى خياطتك .. 

وكتالوج النماذج يحتوي ع المقاسات الشائعه وطريقة وضع الباترون ع القماش و تفاصيل الثوب وكيف خياطته وانتي ما عليك الا تتبعين الخطوات و تخيطين فقط .. 

طبعا نموذج التفصيل يتضمن معلمات كبيره عن تفصيل الفستان ، بتلاقون فيه وصف الآلبسه و الاقمشه المناسبه للموديل و كمية القماش المستخدم ، وبتلاقين كل المعلومات الضروريه الي تحتاجينها عشان تحولين الموديل من صوره الى وآقع ،، 

وكل شركه من شركات كتالوجات النماذج الي هي الباترونات لها مقاسات معتمده علي الاجسام الاكثر شيوعا ، طبعا تختلف عن مقاسات الملابس الجاهزه .. 


مغلف نموذج التفصيل ( البارون ) :

بتكلم عن نماذج التفصيل بشكل عام لان كل شركه تختلف عن الاخرى ، في شركات يجي النموذج كمغلف داخله تصميم واحد و في شركات لأ ،  نموذجها عباره عن مجله فيها تقريبا ٢٠ تصميم مع باتروناتها .. 

طبعا النماذج هاذي هي تحليل عميق للتصميم ، يحطون فيها صورة التصميم ع العارضه وصورة تخطيطه للموديل و المقاسات المتوفره لهذا التصميم و خامات الاقمشه المناسبه و اسم المصمم وكمية القماش المطلوبه ومستوي الخياطه اذا هي بسيطه للمبتدئين والا محتاجه خبره عميقه بالخياطه وهكذا ،، 
يعني قبل تبدين بالخياطه راح تعرفين كل المعلومات عن التصميم الي اخترتيه و تبدين وانتي متطمنه ان شغلك ماشي في الصحيح .. 
طبعا المغلف يحتوي علي جدول الاحجام عشان تعرفين حجمك و ترسمين الباترون الي بمقاسك ، ويحتوي ع مخطط تركيب قطع الباترون ع القماش ويسمونه مخطط التفصيل هذا يسهل عليك ويساعدك كثييير في ان تكون خياطتك صحيحه ، ويوجد ايضا خطوات بناء الثوب من اختيار القماش و المقاس لين خياطة الثوب و ارشادات في الخياطه ، وبعض الشركات تذكرك بمعلومات الخياطه الي بتحتاجينها لتنفيذ التصميم الي اخترتيه مثل طريقة تركيب السحاب اذا كان في موديلك سحاب ، او تركيب الزرار و هكذا .. 


طبعآ نماذج التفصيل كثيره و مختلفه وآشهرها مجلة بوردآ ..
آشتريت وحده من فيرجن الظهران مول 

هنا رابط لمنتدى بنت مفيد فيه كذا عدد من مجلة بوردا 
وفيه موضوع كيفية استخراج الباترون من المجله .. 

في عينات من الباترونات تجيك جاهزه بالمقاس الي يناسبك للموديل الي تختارينه ، 
وآنا افضل كمبتدئه تشترين هذا النوع من المجلات ، احسن لك وبعيدآ عن حوسة الباترونات و العد والقياسات و الشفاف ،، 
خصوصآ الي ما يحبون الباترونات ،، 
ولان كورسي هذا للخياطه بعيد عن التفصيل ارشح لكم الباترونات الجاهزه ،، طبعا انا مو من محبين الباترونات الي انا افصلها .. 
احب الباترون جاهز و انا اركب و اخيط ^^ .. 





٢


الرسمه الثانيه 

عباره عن قماش شيفون قاسي و الصدر حرير
التصميم هذا مو من بنآت افكاري ، آستوحيته من تصميمين و دمجته مع تغيرات بسيطه
قريبآ رآح اتكلم عن قصتي مع هذا التصميم ..



3> ..

١


اليوم رآح انزل اول رسمه لي في مشروعي التطويري 


رآسمتها قبل كم شهر بس ضيق الوقت ما خلاني انزلها بوقتها  
وكانت النتايج جميله بالنسبه لي ^^ 
عباره عن سويتر فيه برنت لجلد الفهد 

مآ يحتاج اقول ان Leopard Print  هو ترند لها الموسم ^^ 


3> .. 



كورس الخياطه الشامله خطوه بخطوه .. الدرس الثاني
 آلة الحبك (الحابكه ) مآكينة السرفله 


بسم الله الرحمن الرحيم 



اليوم حنتكلم عن مآكينة السرفله بصوره سريعه ، راح نعرف آشياء بسيطه عنها لآننآ ما حنحتاجها وقت الكورس ،، بس طبعآ هي مهمه في الخياطه خصوصآ للاعمال التجاريه تعطي جوده للعمل .. 

اذآ فضيت بنزل درس كآمل عنها في المدونه ~ 



مآكينة السرفله تخدم آغراض خآصه في ال خياطه  و تسد النقص في المكاين التقليديه ، تشابه معدات الخياطه السريعه الي يستخدمونها مصنعي الثياب  ، لآنها تختصر علينا الوقت لانها تشذب و تلفق اطراف القماش القاسيه آثناء عملية الخياطه بسرعه عاليه جدا ، لآنها تنتج حوالي ١٥٠٠ قطب في الدقيقه اي ضعفي معدل ما تنتجه المآكينه التقليديه ، وعملية التحكم و تحرك القماش جدا سهله فيها حتى مع اصعب الاقمشه كالحرير  ، اي ان هذه المآكينه تعمل على تبسيط عملية بناء الثياب ، لانها تختصر علينا الوقت و تخيط لنا بدون دبابيس او تقطيب مستمر و تخلصك من الروتين مثل : رفع و تخفيض دعسة الكبس و الدرز الخلفي و تعبئة المكوك و البكرات 
عشآن كيذا هذي الماكينه اكثر استخدامها للاغراض التجاريه الي محتاجه انجاز قطع بكميات كبيره .. وعشان كيذا انا قررت استبعد شرحها او التعمق فيها في كورسنا لااننا نتعامل مع الماكينه للاغراض الشخصيه والانتاج لآنفسنا ،، الوقت معنا ومحنا محتاجينها .. 


عمل مآكينة السرفله //


الماكينه تبرع في عمل الدرزات الضيقه من نفسها و الحواشي الملفوفه و قطب الحواشي المخفيه و تلفيق الآطراف ،  ممكن آستخدامها في الاقمشه المرنه و المطاطه و المضلعه و الرباطات و كذالك البريم .

مآكينة السرفله مآتغنينا عن مآكينة الخياطه ، تعمل كمكمل لها و مساعد في اختصار الوقت و الجهد ، لاننا اذا استخدمنا مآكينة السرفله راح نحتاج للمآكينه العاديه ( التقليديه ) في الخياطه الثانويه و تركيب السحابات و وضع العرى و اذا احتجنا للدرز المستقيم او المتعرج . 

طبعآ زي ما لمآكينة الخياطه انواع و مواصفات آيضا لمآكينة السرفله انواع و مواصفات ، كل نوع يعطينا اشكال مختلفه من القطب و تستخدم هذي الماكينه خيطين او ثلاثه او اربعه او خمسة خيوط ، كل نوع يسمى على نمط القطب الي يوفره 
  •  الابر ،، ممكن تكون من النوع الصناعي الي جسمها طويل او قصير او النوع المستخدم في المكاين العاديه ، الافضل نستخدم الابر المناسبه لماكينتنا لان الصناعيه تكون افضل و تدوم وقت اطول بس هي غاليه و آقل رواجا .. 
طبعا لازم تبدلين الابر بآستمرار وتستخدمين افضل انواع الابر تجنبآ لتلف القماش 

طبعآ الابره الي قياسها ١١/٨٠ يمكن استخدامها لآغلب اوزان الاقمشه

  • السكاكين ،، تعمل عمل شفرات المقص في تشذيب او قطع القماش حسب سعة القطبه المحدده ، السكين الآولي تصنع من الفولاذ عالي الكربون الي يدوم لعدة سنوات ، السكين الثانيه اقل ديمومه من الآولى ولازم نغيرها ٣ او ٤ مرآت بالسنه 

اذا ضعفت السكاكين ننظفها بالسبريتو ونرجعها مكانها ونثبت البرغي باحكام ونجربها ع قطعه بسيطه اذا بقت المشكله مالنا حل الا استبدالها 



الآهتمام و الصيانه //


عمل ماكينة السرفله يسبب الكثير من انواع النساله اكثر من ماكينة الخياطه عشان كيذا لازم ننظفها كويس من برا و من جوا 
نستخدم بخاخ هوائي او فرشاه لازالة غبار النسيجي عن المكوك و عمق صفيحة مد القماش ونواحيها ، نمسح اسطوانات الشد ، الابر ، السكاكين ونصب على الكلابات سبريتو .
ولازم نزيتها بصوره دوريه عشان مايطلع لها صوت 


طبعا نقدر ننظف الحواف الي آسمها السرفله بدون المآكينه ،
آما عن طريق اليد بالابره و الخيط العاديين  وغرزة السرفله او عن طريق المآكينه العاديه .. 
راح اشرحها لكم في وقتها ..


بكذا خلصنا من شرح الآجهزه المستعمله في الخياطه 
وراح نبدا بالخطوات المتبعه قبل الخياطه ^^ 
الدرس الثالث راح ينزل اول سبت بعد الاجازه ، آكيد اجازه و الناس مشغولين ^^ 

الدرس الأول / الجزء الثالث



بِسمِ الله الرَحمَنِ الرَحيم



عزيزاتي الدرس الي طآف تعلمنا كيف نعبي المكوك و ندخل الخيط ونركبه في الآبره بوآسطة اللظامه الآوتومآتيكيه ، وتعلمنآ نقاط مختلفه عشان تطلع غرزنا بشكل سليم و متناسق وعشان نتاكد ان معلومآتنا سليمه طبقنا الغرزه المستقيمه ع قطعة قمآش و الحمد لله كلكم آجتزتو الدرس بدون اي مشآكل ،، بآذن الله تكون بآقي شروحاتي نفس الدرس الي رآح .. 

اليوم رآح نتكلم عن العناصر الآساسيه للماكينه ، حنا تعرفنا عليها المره الي راحت بس اليوم راح نتكلم عنهآ بتفصيل آكثر ، ورآح نتدرب ع الخيآطه بكذآ شكل ، ونتكلم عن آعطال المآكينه الشائعه وكيف نصلحهآ .. 

 نبدآ الدرس .. آستفيدو و آستمتعو ~ 



## عنآصر المآكينه الآساسيه ~

 الآبر ، الخيط ، المكرآت 

- الآبر //   آشكال سن الابره :



 

  • السن المدبب : يستخدم لخياطة الاقمشه المحبوكه 
  • السن الدائري : يستخدم لخياطة الاقمشه المجدوله مثل التريكو عشان ما يتمزق القماش 
  • السن الشامل : يستخدم لمعظم انواع الاقمشه وهو وسط بين النوعين السابقين 

مقآسات الابره : 

  • ترقم الابر تبعا لسمكها ويكتب المقاس ع الابره ، هناك نوعان من ترقيم الابر 
  • الترقيم الامريكي ( يبدآ من ٨ و ينتهي عند ١٩ ) ، الترقيم الاوربي ( يبدآ من ٦٠ وينتهي عند١٢٠ )  
بشرح لكم آنوآع الابر بشي من التفصيل / 
اكثر الابر انتشار وآستعمالا ويفضل وجودهآ دائمآ هي  ١٤/٩٠ - ١١/٧٥ 
تستخدم المقاسات الصغيره مع الاقمشه الاقل سماكه و المقاسات الكبيره مع الاقمشه ذات السماكه الاكبر 

  • إبرة الجلد  :  ذآت رأس مائل وتستخدم عند خياطة الجلد وذلك منعآ لتمزيق الجلد عند خياطته  ..  مقاسها ١١/٧٥ و ١٤/٩٠ 

  • إبرة الجينز  :  تستخدم لخياطة الجينز و الاقمشه الثقيله او خياطة آكثر من طبقه من القمآش  ..  مقاسها ١٠/٧٠ إلى ١٨/١١٠ 

  •  إبرة ذاتية اللضم او اللقم  :  تكون مزوده بشق صغير بجانب ثقب الابره بحيث يسهل لضمها من خلال تمرير الخيط بجانب الابره فيسقط في الثقب بسهوله  ..  مقاساتها ٨٠/١٢ وَ ٩٠/١٤ 

  • إبرة الاقمشه المنسوجه ( تريكو )  :  رآسها مدبب ناعم ما تنتش الصوف او القطن  .. مقاسها ٧٠/١٠ ، ٨٠/١٢ ، ٩٠/١٤ ، ١٠٠/١٦ 

  • إبرة الاقمشه المطاطا  :  راسها ناعم لاتؤذي القماش ، تنساب داخله بسهوله دون ترك وسع او علامه ع القماش من الابره  ..  مقاساتها  ٦٠/٨ ، ٧٥/١١ ، ٧٠/١٠ و الرقم ٩/٦٥ انسبها 

  • الابره الذهبيه  :  المستخدمه في خياطة الاقمشه الخفيفه والناعمه مثل الشيفون  و الساتان  

  • إبرة التنجيد   :  تستخدم لخياطة الكفرات الخفيفه الي تخاط بالبيت بالماكينه العاديه بحيث يكون قماشاها محشو بالبوليستر عشان الابره تخترق عدة طبقات  .. مقاسها ٨٠/١٢ ، ٧٠/١٠ ، ٩٠/١٤ 

  • إبرة القماش الحريري الناعم ( ساتان  ، شيفون ، جيريسيه  آورقنزآ ، مخمل )  :  للاقمشه النعامه الي نسيجها دقيق عشان ما يتلف القماش ويخلي اثر عليه  ..  مقاسها ٦٠/٨ ، ٧٠/١٠ ، ٨٠/١٢ و الرقم ٩/٦٥ 


 طريقة تركيب الابره في المآكينه :

لازم نعرف الاتجاه الصحيح لثقب الابره و الجزء الدائري في ساق الابره 
اذا كانت بكرة الخيط في اعلى الماكينه او جانبها .. يكون الجزد الدائري مواجه لك ، اما اذا كانت البكره مثبته في يسار الماكينه .. الجزء الدائري يكون في جهة اليسار 
عند التركيب نمسك الابره في وضع صحيح حسب مكان البكره ثم نفك مسمار ربط الابره ونرفع الابره داخل الماكينه قد ما نقدر ثم نغلق المسمار ، وعند فك الابره نتبع الخطوات العكسيه لخطوات التركيب 
ولآزم نغير الابره بعد خياطة لبستين او ثلاث أو بعد اصابة الابره .. عشان مايتضرر قماشنا من التواء الابره او خشونتها بسبب الحك المتكرر .. 


- الخيط // المخصص لمآكينة الخياطه له ٣ آوزان :  النوع الفآخر وهو ممتاز للاقمشه الخفيفه و التطريز الآلي  ، النوع المستخدم لآغراض كثيره في الخياطه ، النوع الذي يستفاد منه في الدرز الاولي للطيات و الثنايا و فتحات العراوي و الزخرفه و التقطيب القوي ..      

يجب آن يتناسب الخيط مع وزن القماش وحجم او قياس الابره ، وللشد الكآمل آستخدمو قياس ونوع الابره الموجوده في بكرة الخيط نفسه  
جدول يوضح تناسب الخيط مع الابره مع القماش 

- البكرات // ممكن تكون مدمجه بالماكينه حيث يتم لفهآ وتعبئتها في مكانها ، وقد تاتي متحركه مزوده بعلبه مكوكيه مع برغي لتنظيم شد الخيط ، وممكن تعبئة هذهي البكرات على سطح الآله او جنبها ، تكلمنا عن طريقة التعبئه بالدرس الاول الجزء الثاني ، انتبهو تعبون المكوك كااامل عشان ماينقطع الخيط ..  





## التدريب على آستعمآل الماكينه ~

بالبدايه راح نتدرب على تمكين الخطوط المستقيمه و الزوايا و المنحنيات 
  • نصايح مهمه قبل لا نبدآ التدريب : 
١- آلضمي الماكينه بالخيط العلوي ( البكره ) و الخيط السفلي ( المكوك ) 
٢-جهزي انواع مختلفه من الاقمشه للتدريب ، عشان تدربين ع تغير منظم الشد و جهاز ضبط الغرزه 
٣- اختبري الغرزه بالنسبه لقوة الشد كويس وتآكدي من سلامتها بحيث تكون الغرزه واضحه من الجهتين 
٤-لاتسحبين القماش للخلف في اثناء التمكين عشان ماتتغير قوة السحب 

 عملية التمكين ( الخياطه ) / 
١ - نضع النسيج مسطح فوق لوحة الابره مع مراعاة يكون خط الخياطه الي بنخيط فوقه تحت الابره مباشره 
٢ - ننزل الابره عشان تدخل بالقماش ثم ننزل الدواسه ونبدآ عملية الخياطه وانتبهو لآيديكم ، خلو يدكم اليمنى ع القماش خلف الابره و اليد اليسرى ع القماش آمام الابره وآنتبهو لا تسحبون القماش ع ورى عشان يكون طول الغرز متسآوي 
٣ - اذا انتهينا من الخياطه نسحب القماش لورى ونقص الخيط بالمقص 

  • عمل الخطوط المستقيمه   :  
  • نضبط المؤشر ع الغرزه المتوسطه 
  •  نرسم ع القماش عدة خطوط متوازيه بالقلم الرصاص بخفه وممكن نستخدم القدم الضاغط كدليل لنا  
  • نرفع القدم الضاغط و نحط القماش تحت الابره ، ننزل القدم الضاغط و ندير الماكينه ببطئ بالبدايه ثم نستمر حتى نهاية الخط 
  • كملي خياطه ع باقي الخطوط المتوازيه و انتبهي تكون المسافه بينهم وحده لين تتآكدي انك اتقنتيها 


  • عمل زوايا  :  

  • نظبط المؤشر ع الغرزه المتوسطه 
  • نرسم ع القماش الخط و الزوايا الي بنخيطها بقلم خفيف 
  • نرفع القدم الضاغط و ندخل القماش تحت الابره  وندير الماكينه و نستمر في التمكين لين نوصل عند رأس الزاويه 
  • نوقف الماكينه و ندور طارة الاداره ( الي ترفع و تنزل الابره يدويا ) بحيث تنزل الابره في القماش ثم نرفع القدم الضاغط و ندور قطعة القماش ثم نخفظ القدم و نكمل الخياطه للنهايه 


  • عمل الخطوط المنحنيه   :  
  • نضبط المؤشر ع الغرزه المتوسطه 
  • نرسم خط منحني ع القماش بقلم الرصاص بخفه 
  • نرفع القدم الضاغطه و ندخل القماش تحت الابره و ننزل القدم و نشغل الماكينه و نستمر بالخياطه مع التحكم بالقماش عشان ما نطلع عن الخط المرسوم  لين ينتهي الخط 


هذا التدريب خذو فيه ٣ ايام ع الاقل ، تدربو ع الخطوط المستقيمه و المنحنيه و الزوايا 



 ## كيفية اصلاح الاعطال البسيطه بالماكينه // 

غرزة التمكين عباره عن التصاق خيطي البكره و المكوك في طبقتي القماش مكونه غرزه لها الصفات التاليه : 
  • تتشابه شكل الغرز في كل من الامام والخلف وتكون متينه وغير سهلة الفك وغير قابله للمد 
  • تكون خياطة القماش مرتاحه غير مشدوده بحيث لا تفتح اثناد الاستعمال 

١/  تتحرك الماكينه ولا تقوم بالتمكين :
  • افحصي طريقة لضم الماكينه ربما تكون غير صحيحه 
  • تأكدي من طريقة وضع الماكوك ، ربما تكون خاطئه او تعبئة بكرة المكوك غير منتظمه او ان فتلة المكوك لم تدخل في شق تنظيم الشد به 
  • افحصي طريقة تركيب الابره ، ربما يكون المجرى الطويل ليس في مكانه الصحيح 

٢/ الماكينه لا تتحرك : 
  • نفحص سلك الكهرباء ونتاكد من صحة توصيله 
  • نفتح غطاء بيت المكوك ونتاكد من عدم وجود خيط منعقد 
  • نربط طارة الاداره ( للتحكم ب الابره يدويا ) يمكن تكون فكوكه او فيها خيوط تعيقها 

٣/ انكسرت الابره آثناء التمكين كذا مره :
  • نفحص الابره جيدا ممكن تكون اطول من الازم فتصدم في بيت المكوك 
  • وممكن تكون الابره رفيعه ماتتناسب مع سمك القماش و الخيط 
  • نربط المسمار الخاص بالقدم الضاغط ممكن يكون مو ثابت ويصدم بالابره فتنكسر 

٤/ الخيط يتقطع عند الابره : 
  • نتاكد من ان الابره لها سن حاد جدا 
  • نتاكد ان قوة الشد علـي خيط البكره مو عالي ، عشان ممكن مايمر الخيط المطلوب لعمل الغرزه بسهوله فيتقطع 
  • يمكن تركيب الابره غلط ، يكون المجرى الطويل مو في اتجاهه 

٥/ اذا كانت غرزة التمكين غير سليمه من الاسفل ، معناته ان خيط البكره غير سليم : 
  • افحصي طريقه لضم الماكينه وتاكدي من ان الخيط في مكانها بين الضاغطين وفوق زنبلك الشد 
  • ربما تكون قوة الشد اقل من اللزم ولذلك فان الخيط مرتخي 

٦/ غرزة التمكين غير سليمه من الاعلى ، ومعنى ذالك ان فتلة المكوك غير سليمه : 
  • نتاكد من وضع المكوك بطريقه صحيحه و كذالك انتظام الخيط بداخل بكرة المكوك 
  • نتاكد من مرور فتلة المكوك بمنظم قوة الشد ، ممكن يكون المسمار الضاغط الموجود في المكوك او بيت المكوك مرتخي ويحتاج للشد بالمفك ربع او نص لفه 

٧/ بعد الانتهاء من استعمال الماكينه ننضفها بفرشاه ناعمه او قطعة قماش ناعمه ونحفظها بعيدا عن الاتربه مع وضع قطعة قماش بين  دواس الابره ومشط الماكينه وممكن نضع نقط زيت في الاماكن المحدده ( موجوده في كتيب التعليمات المرفق مع الماكينه )



وبكيذآ يخلص الدرس الاول 
بعطيكم اسبوع رآحه و تدربون فيها ع الي تعلمنآه وابي آشوف تطبيقكم للي تعلمناه بآي شي تسونه عشان نبدآ الدرس الثاني ^^ 





حبآيبي الزوآر ~

المتابعة بالبريد الإلكتروني

Followers